ვარჯიში თეძოებისთვის - 21 ივლისში 2009 - fashion
მთავარი » ვარჯიში თეძოებისთვის
2:04 PM
ვარჯიში თეძოებისთვის
ვარჯიში თეძოებისთვის
ყოველი ზედმეტი კილოგრამი თეძოებზე ლაგდება და მატებს მას ზედმეტ სანტიმეტრებს. ასაკთან ერთად კანი მოშვებული და დუნე ხდება, ჩნდება ცელულიტი. ნუ მიეცემით სასოწარკვეთილებას, შეუდექით საქმეს. ვარჯიშის ყოველდღიური შესრულება თეძოებს დაუბრუნებს პირვანდელ სილამაზეს და მოხდენილობას.  

საწყისი მდგომარეობა-დაწექით ზურგზე, ხელები თეძოების ქვეშ, აწიეთ ზევით გამართული ფეხები. დაჭიმული ფეხები გაშალეთ და შეაერთეთ, გაიმეორეთ 8-10ჯერ. 
დაგჭირდებათ ნებისმიერი ჯოხი, მაგ. იატაკის საწმენდი. დადექით გამართულად, ფეხები მხრების სიგანეზე, ჯოხი მკერდის დონეზე-წონასწორობისთვის. მოხარეთ მარცხენა ფეხი მუხლში, გაწიეთ უკან და თან დადექით მარჯვენა ფეხის თითებზე, დაითვალეთ 5-მდე, დაუბრუნდით საწყის მდგომარეობას. გაიმეორეთ 10-ჯერ თითოეულ ფეხზე. 

დადექით მუხლებზე, გაჭიმეთ ტერფები, ხელები ჩამოუშვით. ნელა ჩაჯექით ტერფების მარჯვნივ, ხოლო წელი გადახარეთ მარცხნივ, ხელები გამართეთ წინ. მკვეთრად დაუბრუნდით საწყის მდგომარეობას. გაიმეორეთ ვარჯიში მეორე მხარეს. ვარჯიში შეასრულეთ 10-ჯერ თითოეულ მხარეს. 
დაწექით მარცხენა მხარეს, თავი ეყრდნობა მოხრილ მარცხენა ხელს, ფეხები გამართულია, მარჯვენა ხელი ეყრდნობა იატაკს მუცლის წინ. ნელა აწიეთ მარჯვენა ფეხი მაღლა გამართულად, შემდეგ მიიღეთ საწყისი მდგომარეობა. შეასრულეთ ორ სერიად 8 აწევა, შემდეგ გაიმეორეთ მეორე მხარეს. 
საწყისი მდგომარეობა იგივე. გადაიტანეთ მარჯვენა ფეხი (ზედა) წინ მუხლში მოხრით. აწიეთ მარცხენა (ქვედა) ფეხი რაც შეიძლება მაღლა. შეასრულეთ ორ სერიად 8 აწევა, შემდეგ გაიმეორეთ მეორე მხარეს. 
ფეხები დადგით მხრების სიმაღლეზე, წვერები განზე მიაქციეთ, ხელები თეძოებს მიაყრდენით. ნელ-ნელა ჩაჯექით, ხელები მიცოცავს მუხლებისკენ. შეჩერდით რამდენიმე წამით, დაჭიმეთ თეძოების და ბარძაყის კუნთები. ნელ-ნელა ადექით. გაიმეორეთ სამ სერიად 8-10 ჩაჯდომა. 
დადექით სახით კედლისკენ გამართული ხელის მანძილზე. ხელისგულებით მიეყრდენით კედელს. მუხლებში მოხრილი მარჯვენა ფეხი გაწიეთ განზე. წარმოდგინეთ, რომ თქვენ წინ დიდი ბარიერია, რომელსაც უნდა გადაახტეთ. შემდეგ ფეხი წაიღეთ უკან, გამართეთ და გააკეთეთ ”მერცხალი”. ფეხი ამ დროს იატაკის პარალელურად უნდა იყოს. დაუშვით ფეხი. გაიმეორეთ 8-10-ჯერ ჯერ მარჯვენა, შემდეგ მარცხენა ფეხით. 
დადექით სახით სკამის საზურგისკენ, შემოხვიეთ ხელები, ფეხები განზე გადგით. ნელა, 5 წამის განმავლობაში ჩაჯექით, ყველაზე დაბალ წერტილში გააკეთეთ ზამბარასებრი მოძრაობა 5-ჯერ. შემდეგ ნელ-ნელა გამართეთ ფეხები. გაიმეორეთ 10-ჯერ. ყოველი ჩაჯდომის შემდეგ მორიგეობით დაფერთხეთ ფეხები კუნთების მოსადუნებლად. 

დადგით ფეხები მხრების სიგანეზე. ოდნავ მოხარეთ მუხლებში, ხელები წაიღეთ უკან. შეაერთეთ ხელები იდაყვებში მთელი ძალით. აიწიეთ ფეხის წვერებზე, გადაიხარეთ წინ, დაჭიმეთ თეძოების, ბარძაყის, ხელის კუნთები. ამ მდგომარეობაში დაყოვნდით 2-3 წამი, შემდეგ დაუბრუნდით საწყის მდგომარეობას. გაიმეორეთ 8-ჯერ. 
დაწექით მარჯვენა მხარეს, კორპუსის ზედა მხარე მოადუნეთ, მარცხენა ფეხი მოხარეთ და დადევით მარჯვენაზე. გამართული მარჯვენა ფეხი აწიეთ რაც შეიძლება მაღლა, დაუშვით, იატაკს არ შეეხოთ, გაიმეორეთ რამდენჯერმე. იგივე გააკეთეთ მეორე მხარეს. ვარჯიშის შესრულებისას წელი რომ არ ”ჩაგივარდეთ”, მარცხენა ფეხის მუხლი დააყრდენით იატაკს. შეგიძლიათ ტერფის ქვეშ ამოიდოთ მსუბუქი მუთაქა ან დახვეული პირსახოცი. 
დადექით მარცხენა მუხლზე, დაეყრდენით ხელებს და გამართეთ მარჯვენა ფეხი უკან მარჯვნივ, გამართული წვერი შეახეთ იატაკს. გამართული ფეხი აწიეთ მაღლა და შეასრულეთ წრიული მოძრაობები ზევით და მარცხნივ საყრდენი ფეხისკენ, დაბლა და მარჯვნივ შეუსვენებლად 10-ჯერ. შეცვალეთ ფეხების ადგილმდებარეობა და გაიმეორეთ იგივე. ვარჯიშის შესრულებისას არ მოხაროთ ფეხი და არ მოიხაროთ წელში.
 დაწექით გვერდზე, მოხარეთ და გაშალეთ მუხლი ძალდატანებით. უნდა იგრძნოთ კუნთების ძლიერი დაჭიმვა. გაიმეორეთ 10-ჯერ. 
დაწექით იატაკზე, ფეხები მოხარეთ, ტერფები იატაკზე დადგით. აწიეთ წელი, შეაერთეთ მუხლები, შემდეგ დაუშვით იატაკზე. გაიმეორეთ 10-15-ჯერ. 
დაწექით იატაკზე, ფეხებზე მოხარეთ მუხლებში და ბარძაყის სახსარში, აწიეთ მაღლა, მუხლები შეაერთეთ და წვერები დაჭიმეთ. თვლაზე ”ერთი-ორი” გაშალეთ ფეხები განზე, თვალზე ”სამი-ოთხი” დაუბრუნდით საწყის მდგომარეობას. გაიმეორეთ 8-10 ჯერ. ვარჯიში ნელა შეასრულეთ.


კატეგორია: რჩევები | ნანახია: 2235

ბლოგის ნიუსები

ÂÂÅÐÕ